Una istòria d'amics
Avant l'arribaa de Patonet, aviam sonque Arthur que veniá se dessenhar de còps au tableu per nos venir adjuar. Arthur es fòrt en matematicas e sap explicar las chausas autrament.
Puei un jorn, un orson es arribat dins la classa de la Calandreta de Gap. Conéissiam Bursias l'orsatàs d'Orciera Merleta (05) mas pas aquel pechonet.
El, a trobat sa plaça naturalament, sus l'armari la mai n-auta per ben i veire e de segur per ben escotar tot çò que fasem dins la nòstra classa. De mai s'assegura que la lenga emplenaa es ben oficiala, es a dire la lenga dau país, qué !
Avura, chasque jorn ven amb nosautres au canton per l'acuèlh dau matin, de còps pendent de conselhs, de presentacions de chausas o de còps en fin de jornaa quand avem lo temps de far l'aquò vai ?
E vos chau dire, qu'es seriós aquel moment de bòrque qu'es lo mestièr de Patonet : s'entresenhar se tot s'es ben passat per los calandrons, es son ròtle de lo saupre.
E puei aquel periòde siam anats far d'esqui (de skating que se ditz !). Avem decidit a l'unanimitat que chaliá pas mancar de lo prendre.
Alora avem tochat la pata de Patonet : « Siam d'acòrdi per te levar los vestits quand siam dins lo monde e de mai siás un ors, alora anem pas
a te desguisar. Mas es presvist un fred que pela e de mai es lo temps de la gripa alora sariá melhor de betre la boneta de lana e lo tapa nas, coma tots los calandrons ».
Per nos acompanhar a la montanha, Patonet es estat d'acòrdi !
Patonet a rescontrat un monitor d'esquí de primièra : aquel òme que se sona Yannick conéisse tot sus la montanha e de mai sap parlar en occitan. Patonet es convencut, es vertadierament arribat dins lo bon país.
